Неверовавый яко есть мука и бояся епитимий прияти во веки осужден бысть. Князь некий зле живый на свете по всем слабостям сладострастен сый, во всем себе лагодя. Имяше же у себе жену благочестиву и боголюбиву. Сия жена доброчестивая воспоминаше ему всегда, да престанет от своеволия и слабости и покается о прежде содеянных грех своих. И некогда ей притужающей мужу о сем, и отвеща ей муж и рече: «Боюся покаятися, яко тяжкий налагают епитимий, аз же и малаго поправления не могу понести». Жена же рече ему: «Зде ли, господине мой, не можеши нималыя тягости понести, то како имамы терпети нескончаемый муки, иже безприкладно лютейши над вся страшныя муки века сего». И рече муж: «Или правду мниши быти глаголемое о муках, или кое суждение есть, или чаеши, яко диавол есть, или гадательствуеши жити по сем? Ни, но все ложь сие и вымышления и баснословия от попов, своея ради им чести и придобытия!» Сия слышав, доброчестивая жена много о сем воспрещаше ему, еже не глаголати и не держати тако, приводя от писаний неложная свидетельства, и видя его непреклонна к добру, не приложи рещи, бояся, да не озлобится на ню, но не укосне отмщение божие противнику воли его, ибо нощи некия спящу ему, приидоша злии дуси страшновидными зраки, видящей сие и благочестивей жене его, восхитивша его купно с телом и душею и в место мук нестерпимых занесоша. Сие видевши, жена его во трепете и страсе сущи со многими слезами и постом просила и молила господа бога, дабы ей по милости своей благоволил явити о мужи ея. И егда тако ей молящися и уже день приближися, прииде к своему ложу, на нем же опочиваху, и обрете тело мужа своего на нем испекшеся, яко мясо черно, или яко главня, в руку же имеющи яко хартию написану. Она же во ужасе и слезах изя ис руку писание, обрете в нем написано сице: «Жено блаженная, збыша ми ся словеса твоя: восприях, о них же не чаях, искусих собою и уверих, яко есть мука и страшная геенна и страха ради покаяния и епитимий ввержен есмь в вечное томление и страшную и нестерпимую муку, и ты о избавлении моем не покущайся, несть ми освобождения».

Wielkie Zwierciadło Przykładów [ed. Kraków, 1621], Spowiedź, XXXII.

• ConfessionConfessionBeichteConfesiónConfessione
• DamnationDamnationVerdamnisCondenaDannazione
• FemmeWomanFrauMujerDonna
• marihusbandEhemannmaridomarito
• CorpsBodyKörperCuerpoCorpo
• brûlureburnBrandwundequemadurabruciatura

Tubach Frederic C., 1969. Index exemplorum. A Handbook of medieval religious tales, Helsinki.:

• #1186 : Confession refused by rich man. A rich man, refusing confession, says that he is going to hell quickly. EdeB # 405. (© Frederic C. Tubach)