О некоем воине, иже о имени пресвятыя богородицы избавися от удавления слуги-демона. Некий воин честный имея при народном пути града своего положение, и вси, иже шествующе путем тем, грабление от него терпяху. Обычай же име воин той неотрочный, иже всегда ангельское поздравление пресвятей богородице приносити. Прилучи же ся итти путем онем некоему старцу святому. Воин же той по обыкности злаго своего нрава и мимошедшаго старца повеле ограбити. Старец же моля грабителей, дабы оповедали господину своему, яко имать нечто к нему тайно рещи. И повеле воин, и приведоша его к нему. Старец же нача молити воина, да повелит всем собратися, иже суть во граде его, зане хощет им слово божие проповедати. И воин же, не яко почитая старца, но яко глумяся, повели всех собрати. И яко много собрашася, старец же рече, яко не вси суть. Опасно же расмотривше рекоша, яко самого несть камиларя. И старец рече: «Истинно того недостает!» И вскоре взыскан и приведен бысть, и, узрев старца, запинаяся, завращаяся, очи же изменяя, главою стрясый, не смея приближитися к человеку божию. И рече святый старец: «Заклинаю тя именем господа нашего Иисуса Христа, да возвестиши о себе, кто еси и чего ради зде пребываеши». Он же рече: «О, горе и беда лютая! Заклят есмь, сказую и не хотя». И рече: «Аз есмь не человек, но демон, образ человечь мечтателством нося и четыредесят дет при воине сем служу, князь бо тьмы – начальник наш сего ради к нему мя прилучитися посла, иже аще бы Марии – оборонительницы своей не воспомянул поздравити, то, яко всю в нем мою волю имея, в мегновении очес удавил бы его, и тако бы в прочих делах живот свой окончивший во веки наш был. А понеже на вся дни поругающу всю силу нашу призывал помощи, силы моея удовлити не возмогох. День бо от дне сего ожидах, но не улучих». Сия слышав, удивися бедный воин тот, паде к ногам святаго старца, плача и рыдая, и прося прощения. И всех предстоящих ту прият страх и трепет. Муж же божий рече демону: «Повелеваю ти во имя господа нашего Иисуса Христа, да без закоснения отовсюду отидеши и к тому николи же да приидеши и всякому призывающему и благословящему имя божия матере никоего же зла да не принесеши». Сия человеку божию рекшу, демон абие изчезе и невидим бысть. Воин же той, благодаря господа бога и пречистую помощницу богородицу, и прия от человека божия прощение о своем согрешении и любочествовав его, отпусти с миром.

Wielkie Zwierciadło Przykładów [ed. Kraków, 1621], Anielskie pozdrowienie, VIII.

• DémonDemonDämonDemonioDemone
• ChevalierKnightRitterCaballeroCavaliere
• vieillardold manGreisviejovecchio
• brigandthiefRäuberbandolerobrigante
• PrédicationpreachingPredigenPredicaciónPredicazione
• Vierge MarieBlessed virgindie Jungfrau MariaVirgen MaríaMadonna
• Ave MariaAve MariaAve MariaAve MaríaAve Maria

Tubach Frederic C., 1969. Index exemplorum. A Handbook of medieval religious tales, Helsinki.:

• #1558 : Devil as servant I. The chamberlain of a knight’s court is the devil in disguise and has been lying in wait for many years for his master to fail to say the “Ave Maria,”at which time he would finally have power over the man. A holy man exposes the chamberlain and drives the devil away. The knight falls on his knees to ask forgiveness for his sins. Var.: A demon in human form serves a knight faithfully; he helps his master across a river as he is being pursued by his enemies and he obtains the milk of a lionness for the knight’s sick wife. He finally betrays himself, however, through his knowledge of the moon’s age. Alpha # 71; CHeist-V #36; libri8-III #53 (78); EdeB # 129; H53 # 78, H85 §29, H357 # 80, H366 # 1, H395 # 377, H504 # 8, H522 # 7, H537 # 2, H551 # 141, H566 # 94, H638 # 5, H685 # 48; Klapper, Erz. # 87; ML # 97; Nicole # 145b var.; Pauli # 92; Seelentrost (German) 121, 6; Thrøst (Swed.) 174, 25; Moser Rath # 29.– Crane, “Miracles of the Virgin,” Rom.Rev. # 26; de Vooys, p. 165; Liungman # 519; Ward II, p. 628. (© Frederic C. Tubach)